Ei perle som alt for få i Ryfylke kjenner til
Ryfylkekokken, Frode Selvaag, var
raus med rosen på Fargeriet sitt kjøken. Han var tilkalla for å
inspirera og vidareutvikla konseptet.
Bilettekst: Arnold, Hanne og
Mina stortrivst i lag med Ryfylkekokken Frode Selvaag.
- Det var godt å koma inn her i går; kjenna lukta av heimelaga
bakverk og sjå dei flotte, lokale kjøtvarene som blei brukte i
matlaginga, fortl Selvaag. Fargeriet på Sand har fått støtte til "o
ppgraderinga" gjennom kompetansenettverket sør for mellom anna
nisjematprodusentar og serveringsstader i distrikta. Fargeriet får
nytta Selvaag sin kompetanse i fleire dagar. Første dag var sett av
for at kokken fekk sjå korleis staben tenkjer og arbeider og finna
ut kva han kunne bidra med og lytta til deira ønske.
- Eg skal vera ein matfagleg mentor, forklarte Sevaag medan han snudde anguskabonada og lèt ein herleg eim av gode kjøtduftar kila smakslaukane.
- Dei er så flinke her til å laga lokal mat.
- Men me treng påfyll for å utvikla oss vidare, skyt Hanne Lund-Johansen inn, og Mina Kang Jørgensen som les kokketankane, kjem lynsnart til med mjølet for å laga jamning til sausen. Den som skal til gryteretten og som putrar i jerngryta medan kokken pratar som berre kokkar kan. Om mat; viktigheten av gode råvarer, å bruka skikkeleg kraft til sausen, å skumma krafta og ikkje ha jamninga i gryteretten etter at kjøtet er ferdigkokt, men la det koka saman. Ja, og så smaka på varene.
- Det er berre fy-fy-kokkar som ikkje smakar på maten, manar Selvaag og veiftar med tresleiva før han serverer ei splitter nykomponert karbonade, med lauk og tomatsaus frå Finnøy. Nammelege godsaker!
Kvalifikasjonane
- Kva skal til for å bli kalla ei perle av deg?
- At det blir laga fersk, heimelaga middag kvar dag av gode råvarer. Eg kan lova deg at du skal slita rundt i Ryfylke med å finna fleire av dei. Derfor er Fargeriet på Sand ei perle som dei er heldige som har i Ryfylke.
Ryfylkekokken
Frode Selvaag driv i dag eige firma. Han har tidlegare vore kokk ved Spahotellet på Hjelmeland og har framleis stamplassen i nabokommunen. Elles fartar tredveåringen, som er utdanna hjå Arne Brimi, mykje rundt på liknande dette oppdraget.
Selvaag har fått sjølvaste brimien med på laget ved at kjendiskokken kjøpte seg inn i Ryfylkekokken.
- Det ser hektisk og arbeidsamt ut å vera kokk. Kor lenge står du i slikt yrke?
- Du kan jobba ganske mykje viss du hentar energi ut av arbeidet, meiner Selvaag. Ser på ungkokken Arnold bak seg og seier han at har han interesse for å laga mat, må han velja kokkeyrket. Då er heile verda ein muleg arbeidsplass og aldri ein dag vert lik. Han vil vera sikra arbeid i all framtid. For somme yrke glitrar og forsvinn, men mat vil verda alltid trenga.
Hurra for institusjonskokken
Elles slår den unge kokken eit slag for ei gruppe han tykkjer kjem alt for lite i rampelyset. Kokkane som dagleg står over grytene på sjukeheimar og andre institusjonar og gjer ein kjempejobb. Dei blir gløymde i mediesirkuset, men har fortent å bli sette fokus på, meiner Selvaag.
- Eg skal vera ein matfagleg mentor, forklarte Sevaag medan han snudde anguskabonada og lèt ein herleg eim av gode kjøtduftar kila smakslaukane.
- Dei er så flinke her til å laga lokal mat.
- Men me treng påfyll for å utvikla oss vidare, skyt Hanne Lund-Johansen inn, og Mina Kang Jørgensen som les kokketankane, kjem lynsnart til med mjølet for å laga jamning til sausen. Den som skal til gryteretten og som putrar i jerngryta medan kokken pratar som berre kokkar kan. Om mat; viktigheten av gode råvarer, å bruka skikkeleg kraft til sausen, å skumma krafta og ikkje ha jamninga i gryteretten etter at kjøtet er ferdigkokt, men la det koka saman. Ja, og så smaka på varene.
- Det er berre fy-fy-kokkar som ikkje smakar på maten, manar Selvaag og veiftar med tresleiva før han serverer ei splitter nykomponert karbonade, med lauk og tomatsaus frå Finnøy. Nammelege godsaker!
Kvalifikasjonane
- Kva skal til for å bli kalla ei perle av deg?
- At det blir laga fersk, heimelaga middag kvar dag av gode råvarer. Eg kan lova deg at du skal slita rundt i Ryfylke med å finna fleire av dei. Derfor er Fargeriet på Sand ei perle som dei er heldige som har i Ryfylke.
Ryfylkekokken
Frode Selvaag driv i dag eige firma. Han har tidlegare vore kokk ved Spahotellet på Hjelmeland og har framleis stamplassen i nabokommunen. Elles fartar tredveåringen, som er utdanna hjå Arne Brimi, mykje rundt på liknande dette oppdraget.
Selvaag har fått sjølvaste brimien med på laget ved at kjendiskokken kjøpte seg inn i Ryfylkekokken.
- Det ser hektisk og arbeidsamt ut å vera kokk. Kor lenge står du i slikt yrke?
- Du kan jobba ganske mykje viss du hentar energi ut av arbeidet, meiner Selvaag. Ser på ungkokken Arnold bak seg og seier han at har han interesse for å laga mat, må han velja kokkeyrket. Då er heile verda ein muleg arbeidsplass og aldri ein dag vert lik. Han vil vera sikra arbeid i all framtid. For somme yrke glitrar og forsvinn, men mat vil verda alltid trenga.
Hurra for institusjonskokken
Elles slår den unge kokken eit slag for ei gruppe han tykkjer kjem alt for lite i rampelyset. Kokkane som dagleg står over grytene på sjukeheimar og andre institusjonar og gjer ein kjempejobb. Dei blir gløymde i mediesirkuset, men har fortent å bli sette fokus på, meiner Selvaag.