Hopp i havet

- Motivasjonsarbeid på høgt plan, fastslo Gerd Marie Nybø leande då kollega og lærar på Hiimsmoen, Eirik Iversen, blei dratt opp av sjøen av triumferande elevar ei kald kveldsstund denne veka.




Når ti tenåringar i Hiimsmoen kollektivfamilie skal einast om ferieplanar, stig temperaturen! Ei kald avriving løyste floken, gliser Tone, Eirik, Maria og Camilla.

Eirik skal visstnok ikkje vera isbadar til vanleg. Men å takla utfordringar på kreativt vis, er ein meir vanleg gesjeft på kollektivet, vil me tru! For Suldalsposten begynte historia med at me hadde Tone på tråden som refererte ein frisk diskusjon, med nettopp Eirik. Den føregjekk også på kaien attmed ferjeleiet. Utløysande faktor var vinterferie-turen som går til Mårbu:
- Og eg hadde ikkje noka lyst å dra, fortalde Tone og fortsatte:
- Så sat me der og krangla til eg sa på kødd at han kunne hoppa i havet.
Greitt, svara han, og du blir med til Mårbu, og ingen sure miner der. Det lova eg, og nå klokka halv seks skal han hoppa!

Helga Møgedal, Suldalsposten