Strigla rabulist

Ungdommars kamp på liv og død, statistikkar og tal, historiske fakta, engasjement og stå på-vilje. I november kjem boka om Hiimsmoen, fersk frå trykkeriet.

Trygve Brandal ved Ryfylkemuseet har hatt ansvar for å føra i pennen historia til Hiimsmoen, kollektivet som er bygd rundt rusmisbrukande ungdomar sin kamp tilbake til livet.

Trygve Brandal, tilsett ved Ryfylkemuseet, har hatt ein god del av arbeidet med å få boka ferdig. Han har vore konsulent, artikkel-forfattar og redaktør. Nå er han ferdig med å lesa korrektur på stoffet, og boka er undervegs til trykkeriet:
- Det har vore både spennande og variert å jobba med denne boka, seier Brandal.

Sterke historier
Boka er delt inn i fem kapittel. Det første tar for seg forhistoria til Hiimsmoen, som feriestad for den engelske familien Hunter, Røde Kors si drift av tuberkulosesanatorium, Suldal kommune si drift av aldersheim, og heim til kommunalt tilsette som trengte ein stad og bu. Alt dette skjedde i tidsepoken 1884 til 1982.
- Deretter kjem det eit kapittel om perioden 1982-2004, med Hiimsmoen som kollektiv for unge rusmisbrukarar, først i regi av Rogaland Fylkeskommune, seinare som privat stifting, seier Brandal.
Hiimsmoen sine mange dramatiske og sterke historier får så komma fram i kapittel tre, som har fått tittelen "Det indre liv".

Aashild Hettervik, Suldalsposten, 01.11.04